عديت بالخاطر ثمانين عله .. ''بقلمي''

ياسعود قرب لي قدوع ودله وهاك القلم واكتب وركز بالأسماع

عديت بالخــاطر ثمانين عله متمركزه مـا بين قلبي والأضلاع

شي قديم وشي معرف محله ولا شـك انا لمدبر الكون منصاع

ياخوي تسبدي تسنها وسط مله كــل ماطرى طاريه هليت الأدماع

احدً يروح وروحته في محله واحـدً يروح وروحته تطبع اوجاع

ياخوي لا تمسح الدمع خلـه اصبر لتـالي قصتي عقب الأوداع

مابين هم وغم ودمع اهــله ومابين ضحكه سن تبديها الأسباع

عفت الحياه وعفت شمسه وظله مــن يوم وادعني وعزم بالأقلااع

ياليت لــه عنوان وبيته أدلـه و الا لقاااااه اليـوم يشراا وينباع

بشريه لو هو كـايد بــالمغله وافديه انا بقلبي ومن الدم له صااع

يقول تنساني وانـا اقـول لـله منساك كـود الأم تلهى عن أرضااع

يابنت حبك باني لــي مضله عن الهبــوب وعن كثرات الأقماع

الله واكبر يـازمــان المجلـه ان كـــان حبن قــد شريناه ينباع

شاهدت انا بالحــب عز ومذله وشـاهدت انا من الغـرابيل انواع

كم من حبيب اليوم مفارق لخله اسباب كلمــات بدت وسط الأجماع

العلم علم العلم يـا من فطن له الحـــب لا يعتب حناياك ينشاع