قصيده هب النسيم للشاعر محمد بن مسلم

هب النسيم بريح ريحان الاحباب

وترنحت اغصان قلبي بتطريب

واحيا هشيم القلب من عقب ما شاب

من كثر ما تذري عليه اللواهيـــــب

قمت اتنشا ريحتة بين الا ســـــلاب

وانشق شذا عرفه بمور الهباهيب

يوم ٍ تحققته والى نكهة اطيـــــــــاب

صافي الثنايا سيد كل الرعابيب

خلته زهر عشب عليه الحيا طاب

اوعطر شاه ٍ من مغانيه قد جيب

اوما براسه يوم شاف الهوا صاب

وتأرجحت الافاق من نفحته طيب

طيب ٍ إلى شمه زكيم الهوى طاب

واستدملت منه القلوب المصاويب

ظبي ٍ على وجهه نبات الحيا ذاب

وابكا ثرا ثغره نبات الجناديب

من فوق متنه اسمر العرف سحاب

تسعين سوط ٍ له تدق العراقيب

قلبي تولع به وانا جاهل شــــــاب

حتى كبرت وصرت من حسبة الشيب